Te Whakahaere Tūraru,
Te Whakahoro Whakamārohitanga

Hui Taumata Tuarua o Aotearoa mō te Whakaiti Tūraru Aituā

28 + 1 Poutū-te-rangi 2022

Te Papa Tongarewa, Te Whanganui-a-Tara

TĀPIRI KI TE MARAMATAKA
HOKO TĪKITI
ENGLISH

2nd Aotearoa New Zealand Symposium on Disaster Risk Reduction

Managing Risk, Accelerating Resilience

Te Whakahaere Tūraru,
Te Whakahoro Whakamārohitanga

Hui Taumata Tuarua o Aotearoa mō te Whakaiti Tūraru Aituā

Managing Risk, Accelerating Resilience

2nd Aotearoa New Zealand Symposium on Disaster Risk Reduction

28 + 1 Poutū-te-rangi 2022

Te Papa Tongarewa

Te Whanganui-a-Tara

TĀPIRI KI TE MARAMATAKA
HOKO TĪKITI

I muri mai o ētahi ngarohanga aituā matepā taiao i te tekau tau ka hipa, kua whakahouhia te kaha o ngā whakaaro whakaiti tūraru aituā kia teitei ake i roto i ngā kaupapa ā-rohe, ā-motu hoki, ā, me te kite i ngā kaupapahere i poua ki te pūtaiao me ngā taunakitanga e kōkiri ana i ngā whakahaeretanga tūraru whai hua.

E whai ana tēnei hui taumata ki te tiro ki ētahi o ngā āhuatanga matua mō te whakahaere tūraru: me pēhea tā tātou whakakapi i ngā āputa me ngā āraitanga, me te whakapakari i ō rātou kaha, ki te hanga i tētahi iwi haumaru ake, mārohi ake hoki. Ka arotahi tēnei hui taumata ki te whakaurunga, me te whai anō ki te whakamahi i ngā tōpūtanga mōhiotanga o ngā tarikete ki te whakatakoto mahere e tutuki ai i tērā e ngaro ana i roto i ngā hononga, ngā rangapūtanga me ngā whatunga poto, wā wawaenga, wā roa hoki.

Ko wai e tika ana kia haere?

Ngā putanga e whakaarohia ana

  • Ngā tari kāwanatanga me ngā rōpū whakahaere
  • Ngā mana ā-takiwā
  • Ngā rōpū inihua me ngā rōpū inihua toai
  • Ngā kaiwhaipānga taiao hanga
  • Ngā kairangahau
  • …ētahi atu!
  • Tauākī Tūhono Takune me te Ahunga Whakamua
  • Mahere Ngohe hei whakatinanatanga mā ngā rōpū whakahaere matua
  • He whakatōpūtanga nui ake o te māramatanga o ngā hiahia, o te whakatinana hoki.
  • Ngā hononga, ngā rangapūtanga me ngā whatunga pai ake.

Ko wai e tika ana kia haere?

Ngā putanga e whakaarohia ana

Ko wai e tika ana kia haere?

Ngā putanga e whakaarohia ana

Tīkiti

Tīkiti hoko ā-ipurangi!


Ā-tinana: Rēhita matua $420, rēhita ākonga $210. Rēhita ā-tuihono anake: $125 ia tangata.

Mō te hunga ka hiahia wāhi noho, kua whakaritea e mātou ngā utunga motuhake mō te hui taumata e tata ana ki Te Papa Tongarewa. Tēnā whakapā hāngai tonu ki te hōtēra ki te whakarite nōhanga, ā, ka whakahua i tō taenga ki te hui taumata EQC e whiwhi ai koe i te utu motuhake. Ka kite koe i ngā utunga me ngā taipitopito whakapā i raro.


Ramada Wellington $165 for any room type over requested dates by emailing reception@ramadawellington.co.nz


Hōtēra o Copthorne $219 incl BB1 or $239 incl BB2 Superior Harbourview – 30 rooms available per night or $269 incl BB1 or $289 incl BB2 Deluxe Harbourview – 40 rooms available per night by emailing Nick.Lion@millenniumhotels.co.nz

HOKO TĪKITI

Wāhi noho

Kaupapahere whakahoki pūtea

Ina piki te Pae Mataara KOWHEORI-19, ka whakahaeretia ā-tuihonotia te hui. Ka whakahokia ētahi pūtea ki ngā tarikete kia hāngai ki te utu tuihono anake. Ina kāore e taea e koe te haere ā-tinana atu, ka taea te whakahoki i ngā pūtea ki a koe mā Eventbrite, i te 7 rā i mua o te hui. E kore te utu tukatuka a Eventbrite e uru ki te whakahokinga utu. I te itinga iho o te 7 rā i mua o te hui, tēnā whakapā atu ki a resilience@eqc.govt.nz ki te whakamōhio atu ina e kore e taea e koe te haere atu. Mēnā he rārangi tatari, ka whai mātou ki te whakawhiti i tō rēhitatanga, ā, me te whakahoki i ō pūtea ki a koe.

Ngā Kaikōrero Matua

Rt Hon Helen Clark ONZ SSI PC


Ko Helen Clark te Pirimia o Aotearoa mō ngā kaupeka raupapatanga e toru mai i te 1999-2008. Ko ia te wahine tuatahi kia tū hei Pirimia i muri mai i tētahi Pōtitanga Whānui i Aotearoa, ā, ko ia te wahine tuarua ki te tū hei Pirimia.


E kauhau tonu ana a Helen Clark puta noa i te ao, ā, he māngai kaha mō te whanaketanga toitū, te take āhuarangi, te manarite ira, te hautūtanga wāhine, te rongomau me te tika, me te hohe i ngā take mate kore pā me te mate ārai kore. He nui ngā poari tohutohu me ngā kōmihana e noho ana ia tae atu ki te noho hei Upoko o te Poari Tohutohu o te Global Education Monitoring Report a UNESCO.


Hei te roanga o tōna wā hei Pirimia, ā, hei Mema Pāremata hoki mō te 27 tau, i whānui te whakauru a Helen Clark ki ngā whanaketanga me ngā taunakitanga kaupapahere puta noa i ngā take ā-ao, ā-ōhanga, ā-pāpori, ā-taiao, ā-ahurea hoki.

Hon Dr David Clark


I pōtihia tuatahitia a Hōnore Tākuta David Clark hei Mema Pāremata o Reipa mō Ōtepoti ki te Raki i te tau 2011. He ara taiāwhio tana ara ki te Pāremata – otirā i whakahaeretia e ia tētahi whare noho o Te Whare Wānanga o Ōtākou, i mahi hei Minita Perehipitīriana, ā, hei kaitātari i Te Tai Ōhanga hoki.


Ko David te Minita mō te Tauhokohoko me ngā Take Kiritaki, te Minita mō te Digital Economy and Communications, Minita o ngā Hinonga Kāwanatanga me te Minita Tatauranga. Ko ia hoki te MInita e Haepapa ana mō te Kōmihana Rūwhenua.


I tū a David mō te pāremata i te mea i te māharahara ia mō te whānuitanga haere o te whāruarua i waenga i te hunga whai rawa me te hunga pōhara, i roto i ōna tirohanga e here nei i te pito mata ōhanga, pāpori hoki o Aotearoa. I kaha te rangona o te take manarite-kore i tana kauhau tuatahi i te Whare Pāremata i te tau 2012. E whakapono ana ia, ka taea e tātou, me tutuki rawa e tātou, tētahi porihanga tōkeke ake e whai wāhi ai te katoa ki te angitutanga.

Prof Dame Juliet Gerrard DNZM FRSNZ


Kaitohutohu Mātanga Pūtaiao Matua ki te Pirimia


I whakangungua a Juliet ki te Whare Wānanga o Oxford, ā, ka neke ki Aotearoa i te tau 1993, te wāhi i uru ngā tūnga i ngā Whare Rangahau Karauna me ngā whare wānanga ki āna mahi.


I tohua a Juliet hei Kaitohutohu Mātanga Pūtaiao Matua ki te Pirimia i te tau 2018. Mai i taua wā kua tautoko ia i te hapori pūtaiao me te hapori kaitohutohu pūtaiao ki te whakarato tohutohu ki te Pirimia, ngā minita me te iwi tūmatanui i runga i ngā take whānui, tae atu ki ngā tohutohu mō ngā pupuhitanga i te whare karakia i Ōtautahi, te urupare ki te hūnga o Whakaari, te tāpaetanga pōti taru rauhea me te mate urutā KOWHEORI-19.

Hilary Barry


Ko ia tētahi o ngā kanohi rongonui rawa, rorotu hoki o te pouaka whakaata o Aotearoa, otirā ko Hilary te kaiwhakataki o te hongere wā matua a Te Reo Tātaki a Seven Sharp.


He nui hoki ngā mahi a Hilary puta noa i Aotearoa i runga reo irirangi, pouaka whakaata hoki. I te tau 2021, i uru atu a Hilary ki te tūranga kaiwhakataki o te hōtaka The Hits 3pm Pick-Up.


E hia kē ōna tau e noho ana hei tumu o te whatunga 6pm a TV3 i mua o tana nekehanga ki Te Reo Tātaki, te wāhi e noho ana hei kaiwhakataki i te taha o Jeremy Wells i runga o Seven Sharp. E hia kē ngā tau i noho a Hilary hei kaimahi reo irirangi i ngā ata, i runga o ngā hongere e rua o Tāmaki Makaurau, a More FM me Radio Live.

Dr Rod Carr


I tēnei wā ko Tākuta Carr te Upoko o te Kōmihana Huringa Āhuarangi o Aotearoa, i whakaritea e te kāwanatanga i te Hakihea 2019.


He torowhānui ngā wheako a Tākuta Carr i ngā kawenga mana whakahaere, hautū hoki o te rāngai tūmatanui me te rāngai tūmataiti hoki. I tū ia hei Upoko, hei kaitohutohu whakahaere-kore o Te Pūtea Matua o Aotearoa, ā, i tū hoki hei Kāwana Tuarua, ā, hei Kāwana Taupua o te Pēke.


Ko Tākuta Carr te Upoko tuatahi o te Poari Tohutohu National Infrastructure, ā, mō te neke atu i te tekau tau, he kaitohutohu whakahaere-kore ia o te Chamber of Commerce a ngā Kaituku mahi o Waitaha. Tekau tau ia e ārahi ana i Te Whare Wānanga o Waitaha hei Vice Chancellor, ā, he Tohu Kairangi i te Inihua me te Whakahaerenga Tūraru tāna, he Tohu Paerua i te Ōhanga ā-Mahi me te Pūtaiao ā-Whakahaere, he MBA i te Pūtea me te Tahua me ngā tohu hōnore i te ture me te ōhanga.

Hōtaka

E wātea ana ngā tirohua wātū hukihuki i raro nei – ka whakatūturuhia e mātou ngā kaikōrero i ngā wiki e tū mai nei.

Rā 1

NGĀ WHARE WHAKAMĀROHIROHI

Wātū 1: Te whakatipu Mahi Pai – Te ekenga ki te“Whakaoranga ā-Mahi”

I ngā tau tekau kua hipa, he nui ngā akoranga kua ākona e mātou mō te āhua o tō tātou taiao hanga, otirā i ētahi wā he mamaetanga kē. Me pēhea tā mātou whakamahi pai i aua akoranga i a tātou e tiro ana ki ngā tekau tau e tū mai nei, neke atu hoki? Ko te whāinga o tēnei wātū ko te toha i ngā ākoranga i hua mai i te whakatipu mahi pai, te tautuhi i ngā āputa matua me ngā take, me te kōrero i ngā tukanga ā-ture tata, wā roa hoki me ngā āheinga hei whakatika i ēnei. Ka āta tirohia te noho ōritenga o te ture me ngā paerewa tūao, me te whakamahere i te huarahi whakamua ki te whakamārohitanga pai ake o te taiao hanga.

Wātū 3: Tō Tātou Taiao Hanga Anamata –Te Whakatō i te Hoahoa Tūkino Iti

Ko te hua o te ngoikore o te mārohitanga whare i ngā tatūtanga matepā taiao i Aotearoa i ngā tau tekau kua hipa, ko te ngarohanga tōtika o te hia piriona tāra. He kaupapa hoahoa whakaaro hou te Hoahoa Tūkino Iti e whai ana ki te whakaiti i ēnei putanga i ngā tau e tū mai nei. Engari, nā runga i te tūpono tukinga o ngā pēhanga, tae atu ki te hoahoa waro-iti, he rehurehu te ara ki te kawenga whānui. Ko te whāinga o tēnei wātū ko te toha i ngā auahatanga me ngā whanaketanga kua kitea ake i te wāhanga o te Hoahoa Tūkino Iti; ki te whakatipu i te māramatanga ki ōna mātāpono, me te kōrero i ngā huarahi hei akiaki i te kawenga.

TE WHAKAMANA I TE TANGATA

Wātū 2: Te Whakauru i ngā Hapori ki ngā Kōrerorero me ngā Whakataunga Tūraru

Kua pūmau kē te noho o ngā hua me te hiranga o te whakaurunga hapori ki roto ngā whakataunga whakahaere tūraru matepā, inarā mā roto i te Anga Sendai mō te Whakaiti Tūraru Aituā. He nui ngā huarahi ki te whakaurunga, engari e whakamana ana ēnei i ngā hapori ki te whai mahinga? Ko te whāinga o tēnei wātū ko te kōrero i ngā wero o te whakauru ki ngā hapori i roto i ēnei whakataunga uaua. Ka tirohia ngā tauira angitu, me te kōrero i ngā huarahi ki te whakapai i ngā mahi.

Wātū 4: Te Whakapoapoa i te Whakamārohitanga

E mōhio ana mātou mā te whakaiti i te tūraru me te whakatipu i te mārohirohitanga i mua i tētahi aituā, ka heke te pānga me ngā ngarohanga, ā, ka pai ake te whakaoranga mai. Koinei ngā tohutohu mai o ngā wheakotanga, o ngā tuhinga ōkawa mātauranga, ā, o ngā tātaritanga hua-utu hoki. Nā, he aha i uaua ai te whakahau i ngā tāngata, ngā rōpū, me ngā kāwanatanga ki te mahi i ngā mahi ka hiahiatia? Ka āta tirohia e tēnei wātū ētahi momo whakapoapoatanga maha me te tiro anō ki ngā hiahiatanga hei whakaohooho i te whai mahi i roto i ā tātau kaha takitahi, takimaha hoki ki te whakahaere tūraru.

Rā 2

TE WHAKAMAHINGA PAI AKE O TE WHENUA

Wātū 5: Te Whakaea I Ngā Minatanga Rerekē Mō Te Mōhiohio Tūraru

Hei āhea e pai rawa ai ngā mōhiohio matepā me te tūraru e uru ai ki roto i ngā whakataunga take? Ka whakatautō pea ngā whakakāhoretanga pūrongo pūtaiao, ngā take kawenga me te kapatau o te kawenga ki te kōti, i te māiatanga ki te whakamahi i ngā mōhiohio hokirua. Engari ahakoa ngā rangirua, ka noho tonu te kapatau e whai pānga ana, ā, me whai tohutohu hoki ngā whakataunga take i ngā mōhiohio nei. Ko te whāinga o tēnei wātū kia mārama ki ngā āwangawanga o ngā kaipūtaiao mō te 'tautoko' i ā rātou pūrongo ake; ā, me ngā wero ki ngā kaiwhakamahi o ngā mōhiohio hokirua.

Wātū 7: Ngā Whakamaheretanga Mokowā Pai Ake Ki Te Whakahaere Tūraru

Kāore i ngā taputapu whakamahere o te wā nei te ōritenga, te tohutohutanga, ā, me te tauritenga i waenganui i te panonitanga āhuarangi me ngā matepā taiao. E kōkiri tonu ana ngā whanaketanga me te kore e whai whakaaro tōtika ki ngā tūraru matepā taiao. Ka whakarato ngā whakahoutanga RMA i tētahi āheinga ā-whakatipuranga kia mōhio ake ki te pito mata o te nohonga o te whakamaheretanga hei taputapu whakaiti tūraru matua. Ko te whāinga o tēnei wātū ko te matapaki i ngā wero me ngā āheinga i ngā whakamaheretanga whakamahinga whenua i whakamōhiotia ki ngā tūraru, me te tūhura he aha ngā putanga whakamahere me ngā whakaratonga e hiahiatia ana i roto i tētahi anga whakamahere hou.

TAUTOKO Ā-PŪTEA I NGĀ TŪRARU

Wātū 6: Te Utu Mō Tō Tātou Tūraru Anamata

He wero matua te whakahaerenga tahua whaihua o te tūraru aituā mō ngā kaunihera me ngā kāwanatanga puta noa i te ao, tatū noa ki ērā e whakaraerae nui ana ki ngā tūraru matepā taiao, e iti noa ana rānei/hoki te āheinga ki te whakahaere i ngā pānga tahua o ngā aituā, o te utu rānei o te whakaitinga tūraru. Āpiti atu ki ēnei take ko te hokirua e whakaratoa ana e te panonitanga āhuarangi, me te tikanga o tērā ki te whiwhinga o te pūtea mō te whakaiti tūraru.

Wātū 8: He Inihua rānei te Whakautu?

Ina whakatauritea te pāpānga o ngā matepā taiao ki tētahi ōhanga he ōrite te nui ki tō tātou nei, ka noho tātou hei tētahi o ngā whenua whakaraerae katoa o te ao, ka mutu, e mōhio ana ka piki ake tō tātou nei tūraru ki te panonitanga āhuarangi i ngā tau e heke mai nei. E whaihua ana te pāpori nā ngā taumata teitei o te whai inihua, nā konā ka tohatohaina ōrite atu te tūraru, ā ka whakaitia te utu, me te aha, kāore ērā taumaha e kawea e te takitahi, e ngā pakihi, e ngā kāwanatanga ā-rohe, ā-motu rānei. Engari kē, ehara i te mea he whakautu te inihua ki ngā mea katoa. Ka pā mai ngā matepā taiao ka ngaua rawatia pea te pāpori; ka ngaro pea te tangata ki te pō; ka ukuukutia pea ngā whare, ka tukitukia ngā pūnaha rerenga paru me ngā pūnaha whakawhitiwhiti whakaaro, ka noho pēkerapu ngā pakihi me te ngaronga atu o ngā tūranga mahi. He whakaaro whaitake te haumi ki te whakaitinga tūraru, ki te manawaroa anō hoki, engari kē uaua ai ki ētahi te whakatinana i ērā i mua i te pānga mai o tētahi aituā. Me pēhea e taurite ai ngā taha e rua?

EMAIL ME

Sign up for email updates and you’ll be first to know when speakers are announced and tickets go on sale.

Ngā Pānui Whakatairanga Wawe a ngā Ngaio Pitomata

E pōhiritia ana ngā ākonga PhD me ngā Tohu Paerua me ngā ngaio i ō rātou tau tuatahi (e 7 tau mai i te whakatutukitanga o tō tohu ikeike rawa) ki te tuku tono pānui whakatairanga hei whakaatutanga i te hui taumata. Ko te whāinga o te wātū pānui whakatairanga, he tūhonohono i ngā kaimahi me ngā ngaio pitomata, ki te:

Hōputu pānui whakatairanga:

TUKUNA MAI TĒTAHI PĀNUI WHAKATAIRANGA

Ka 300 kupu te whakatepenga o ngā pānui whakatairanga, ā, ka whakaatuhia i tētahi wātū pānui whakatairanga pāhekoheko wawe:

  • Whakamōhiotia ngā kaimahi kāwanatanga me ngā kaimahi ahumahi ki ngā rangahau me ngā whakaaro pitomata.
  • Whakarato āheinga mā ngā kaiwhaipānga kia whai whakamōhiotanga ki te ahunga o te rangahau me ngā whakaaro pitomata, te whakapiki i te āheinga o te whaitaketanga o ngā mahi a ngā kaingaio pitomata.
  • Whakarato āheinga ki ngā kaimahi e mahi ana i te rāngai whakaiti tūraru aituā, kia tūtakitaki atu, me te tuitui hononga ki ngā pūkenga pitomata.
  • Whakarato āheinga ki ngā pūkenga pitomata kia mārama ai rātou ki te ahunga o te kāwanatanga me te ahumahi, me te matapaki i ō rātou wawata mahi.
  • E 5 mineti te wā kōrero pānuitanga ka whāia e te 5 mineti mō te tuku pātai.
  • Ka tangi tētahi pere i te paunga o te 10 mineti, ā, ka tīmata tētahi atu kōrero pānuitanga.
  • Ka akiakitia ngā kaimātakitaki ki te hoatu i ō rātou taipitopito whakapā ki ngā kaiwhakaatu, ina hiahia tūhonoho ai rātou.
  • Ko te rā kati o ngā tukunga pānui whakatairanga ko te 31 o Hereturikōkā.
  • Me tuku ngā pānui ki resilience@eqc.govt.nz.
  • Ka aromatawaitia ngā pānui i muri o te tukunga. Ka kōwhiria ngā pānui pai rawa hei whakaatutanga. E kore e whakatūturutia te whakaaturanga o tō pānui whakatairanga ki te hui taumata mā te tuku noa iho.
  • Tērā pea ka whakaputaina ngā pānui whakatairanga i te taha o ētahi atu rauemi i mua noa atu o te hui taumata.

Ngā paerewa me ngā hua o te tuku pānui whakatairanga

  • Me A0 te nui o ngā pānui whakatairanga, me anga nohotū, ā, kia kaua e nui atu i te 300 kupu. Māhau tonu e tā i tāu ake pānui whakatairanga. Mā mātou e whakarato ngā rauemi hei whakapiri i ngā pānui whakatairanga ki ngā papa.
  • E ākina ana koe ki te whakamahi i te hoahoa #betterposter: Mō ētahi atu kōrero mātakitakitia tēnei ataata.
  • E ākina ana koe ki te tāpiri i tō whakaahua ki te pānui whakatairanga – mā tēnei e āwhina i ētahi atu manuhiri hui taumata ki te rapu me te kōrero ki a koe mō tō rangahau!

Ngā whakaaro mō te kauhau 5 mineti:

  • Tō ahunga mai (i whiwhi koe i tō tohu i whea, inahea hoki, mō tō tohu paetahi, kei hea koe ināianei, ā, he aha āu mahi?)
  • Ō kaingākautanga DRR whānui/Nā te aha koe i kaingākau ai ki te DRR?
  • Tāu mahi i te wā nei (whakaarotia me pēhea e whai hua ai i tō rangahau, mahi rānei/hoki).
  • Ngā miramiratanga mai i ō akoranga, tō tūranga mahi rānei/hoki (hei tauira, ngā hui taumata nui, ngā whakamātautau angitu me ngā kōrero whakatairanga).
  • Ō wawata mahi (he aha ō wawata i muri nei? he aha ō kaingākautanga mahi?)

©2021 | EQC.GOVT.NZ